തിരുവനന്തപുരം: സംസ്ഥാനത്ത് സ്വർണ്ണവിലയിൽ വീണ്ടും കുതിച്ചുചാട്ടം. പവന് 33,800 രൂപയും ഗ്രാമിന് 4,225 രൂപയുമാണ് ഇന്നത്തെ നിരക്ക്. സ്വർണ്ണ വിലയിൽ രേഖപ്പെടുത്തുന്ന ചരിത്രത്തിലെ തന്നെ ഏറ്റവും ഉയർന്ന വിലയാണിത്. 

അതേസമയം സ്വർണത്തിന് ഏറ്റവും കൂടുതൽ കച്ചവടം നടക്കുന്ന ദിവസമാണ് അക്ഷയ തൃതീയ ദിനം. രാജ്യത്ത് ലോക്ക്ഡൗൺ മെയ് മൂന്ന് വരെ പ്രഖ്യാപിച്ചിരിക്കുന്നതിനാൽ സ്വർണ്ണവ്യാപാരത്തെ ഇത് കാര്യമായി ബാധിക്കും. 

ഏപ്രിൽ 26 നാണ് ഇത്തവണത്തെ അക്ഷയ തൃതീയ. എന്നാൽ പല ജ്വല്ലറികളും ഓൺലൈൻ വ്യാപാരം നടത്താനുള്ള നടപടികൾ ആരംഭിച്ചിട്ടുണ്ട്.