ജര്‍മ്മന്‍ ആഡംബര വാഹന നിര്‍മ്മാതാക്കളായ ഔഡിയുടെ കരുത്തുറ്റ പുതിയ മോഡല്‍ ആര്‍.എസ്.5 സ്‌പോര്‍ട്ബാക്ക് വിപണിയില്‍ അവതരിപ്പിച്ചു. വാഹനത്തിന്റെ എക്‌സ് ഷോറൂം വില 1.04 കോടി രൂപയാണ്. 450 എച്ച്.പി. പവറും 600 എന്‍.എം. ടോര്‍ക്കും തരുന്ന 2.9 ലിറ്റര്‍ ട്വിന്‍ ടര്‍ബോ വി6 ടി.എഫ്.എസ്.ഐ. എന്‍ജിനാണ് ഈ കാറിന്റെ ഹൃദയം. 100 കിലോമീറ്റര്‍ വേഗത്തിലെത്താന്‍ 3.9 സെക്കന്‍ഡ് മതി. ഈ വിഭാഗത്തിലെ ഏറ്റവും കൂടിയ വേഗവും ഈ മോഡലിന് സ്വന്തമാണ് – മണിക്കൂറില്‍ 250 കിലോമീറ്റര്‍. കരുത്തിന് പേരുകേട്ട ഔഡി ആര്‍.എസ്.5-ന്റെ സ്‌പോര്‍ട്ബാക്ക് ആദ്യമായാണ് ഇന്ത്യയില്‍ അവതരിപ്പിക്കുന്നതെന്ന് ഔഡി ഇന്ത്യ പറയുന്നു.