ന്യൂഡല്‍ഹി: സംസ്ഥാനത്ത് ബിടെക്ക് പരീക്ഷ ഓണ്‍ലൈനായി നടത്തണമെന്ന് ആവശ്യപ്പെട്ട് കേരളത്തിലെ വിദ്യാര്‍ത്ഥികള്‍ സുപ്രീംകോടതിയെ സമീപിച്ചു. ടിപിആര്‍ പത്ത് ശതമാനത്തിലും അധികമായി നില്‍ക്കുന്ന സാഹചര്യത്തില്‍ എഴുത്തു പരീക്ഷ നടത്തുന്നത് അപകടകരമാണെന്ന് വിദ്യാര്‍ത്ഥികള്‍ ചൂണ്ടിക്കാട്ടുന്നു. 

റിട്ട് ഹര്‍ജിയാണ് വിദ്യാര്‍ത്ഥികളാണ് നല്‍കിയിരിക്കുന്നത്. ഓഫ്‌ലൈനായി പരീക്ഷകള്‍ നടത്തുമെന്ന സാങ്കേതിക സര്‍വകലാശാലയുടെ തീരുമാനം റദ്ദാക്കണമെന്നും വിദ്യാര്‍ത്ഥികള്‍ ഹര്‍ജിയില്‍ ആവശ്യപ്പെട്ടു. അന്യസംസ്ഥാനങ്ങളിലെ വിദ്യാര്‍ത്ഥികളും കേരളത്തിലെ എഞ്ചിനീയറിങ് കോളജുകളില്‍ പഠിക്കുന്നുണ്ടെന്ന് ഹര്‍ജിയില്‍ പറഞ്ഞു. തങ്ങളുടെ ജീവന്‍ വച്ച് കളിക്കരുതെന്നും മൗലികാവകാശം സംരക്ഷിക്കണമെന്നും വിദ്യാര്‍ത്ഥികള്‍ പറയുന്നു.